स्याङ्ग्जा समाज जापानको तीज कार्यक्रममा खुमन, राजन र शोभाले धमाका मच्चाउने

दू:ख, पीडा र विपतमा परेका माथी सहयाेग गर्दै अाईरहेकाे स्याङजा समाज जापानले यस बर्ष हरितालिका तिजकाे अवसर पारेर ‘तिज धमाका २०१८’विभिन्न ठाउहरुमा गर्ने भएकाे छ।

अपाङ्ग  तथा असहायहरुको सहयाेगार्थ तिज धमाका गर्न लागिएकाे हाे । नेपालवाट चर्चित कलाकारहरू लाई निमन्त्रण गरेर जापानमा सहभागी गराउन लागेकाे समाजले नेपालकै ख्याती प्राप्त गायक खुमन अधिकारी, राजन कार्की र कुशल कार्यक्रम संचालिका तथा गायिका शाेभा त्रिपाठी लाई जापनमा हुने सांगितिक कार्यक्रममा सहभागिता गराउने भएको छ।

टोकियोमा १२ तारिख बुधबारका दिन निप्परि स्टेशन बाट १ मिनेटको दुरिमा रहेको सन्नि हलमा साझ ४ बजेदेखि कार्यक्रम सुरु हुनेछ भने सेप्टेम्वर ८  फुकुओका र ९ मा गुन्माकेनमा  हुने छुटाछुटै कार्यक्रममा सहभागी भई  जापानबासि नेपाली दाजुभाइ-दिदिबहिनि हरुलाइ मनोरन्जन दिने आयोजकले बताएको छ ।

२ वर्ष अघी स्याङ्ग्जा समाज जापानकै कार्यक्रमको निम्ती जापान आएका खुमन अधिकारि यस वर्ष आफ्ना नया गितहरुले रमाइलो गराउने हुनाले नाच्नको निम्ती तयार रहन आग्रह गरेका छन भने पहिलोपटक जापान आउन लागेका राजन कार्की थप उत्साहित बनेका छन । दोस्रो पटक जापान आउन लागेकी गायिका तथा कार्यक्रम सन्चालिका  शोभा त्रीपाठिले आफ्नो फरक प्रस्तुतिले  कार्यक्रम भव्य बनाउने बताएकी छिन । 

दिनेश भट्टराइको अभिनय रहेको गीत अमेरिकामा छायाङ्कन, बब्बु थापाले गरे निर्देशन

नेपालमा हजारौँ गितहरु निर्देशन गरेर हाल अमेरिका रहेका निर्देशक बब्बु थापाले एउटा फरक परिवेशको मनोरन्जनात्मक तीज गीतको निर्देसन गरेका छन । अमेरिकामै रहेर आफ्नो व्यवसाय सन्चालन गरेका दिनेश भट्टराइ र मन्जु भट्टराइको अभिनय रहेको उक्त गित हालैमात्र सार्वजनिक भएको छ । 

गायक रुपेश न्यौपाने तथा गायिका टिका पुनको आवाजमा ‘यस पालीको तिज क्या रमाइलो हुने हो अमेरिकामा” नामको बोलको तीज गीतको भिडियो युटुब मार्फत सार्वजनिक भएको छ । गीतमा सूर्य न्यौपानेको शब्द तथा सङ्गीत रहेको छ ।

बब्बु थापाको निर्देशनमा बनेको गीतको भिडियोमा भने दिनेश भट्टराई र मञ्जु भट्टराइलाइ फिचरिङ गरिएको छ । उनिहरुलाई सिस्टर ग्रुप कोलोराडोले सामूहिक नाच गरेर सहयोग गरेका छन् । उक्त तिजको गीतलाई अमेरिकाको डेनभर सहरमा छायाङ्कन गरिएको छ । बब्बु थापाकै कोरियोग्राफर रहेको गीतको भिडियोमा क्रिक गिलोन तथा पवन सिम्खडाको छायाङ्कन, पवन सिम्खडाको सम्पादन छ ।

 

 

कविता :आमाको रातो आँसु(अनील चौँलागाई)

तिमीले हेर्ने ऐनामा हेर
पुज्ने मन्दिरमा हेर
त्यहाँ तिमि भगवान पाउँछौ भने
एकपल्ट आफ्नै घरको
झयाल ढोका खोलेर हेर
खै त तिम्री बूढी आमा ?

ढुङ्गालाई महादेवको लिङ्ग मानी
फूलपाती चढाऊने बुहारि
ढुङगामा दही र फुलपातिको थालिमा
पैसा फ्याक्ने छोरो
खोई त तिम्री बूढी आमा ?

यती राम्रो रोजगार बोकेको मान्छे तिमी
आफ्नै बलबुताले शहरमा ठडिएको घर तिम्रो
टीपिक्क छाती बोकेकि साथमा संगिनी
डबल बेडमा ओच्छ्याइएको बीस इन्चे कपासे डस्ना
फ्रीजमा ठडिएका राता काला बोतल हरू
हेर्दा वाओ लाग्छ
प्रगतिले दुश्मन जलाएको छौ
घरका कोठालाई भाडामा लगाएका छौ
एउटा महलभीत्र सबै अटायौ
तर
एउटी बृद्द आमा किन अटिनन्?
किन हुत्तायौ ? बृद्द आश्रममा आमालाई?

माइकल ज्याक्सनको पप उफरमा उफ्राउँदै निदाउने तिमी
के बृद्द आमाको खोकि असहज भएको हो ?
पोल्टामा हँसिया भिरेर
उकाली ओरालीमा पसीनाको खोली बगाएर
छोरो भटमास मन पराउँछ है भनि खुवाउने आमा
आज निर्दयी बदमास छोरोको आमा भएकी छिन्

तिमिलाई चिसो लाग्छ भन्ने डरले
परालको गुन्द्री बुन्ने आमालाई
किन धकेल्छौ सडकका पेटीहरुमा ?
तिमीले आज किन्ने गरेको भटमासमा
आमाको माया मिसिएको नहोला?
यदी आकास गंगाबाट तिमी खसेको होइनौ भने
तिमीले पिउने रातो झोल कतै
तिम्रै निर्ममताले पिलिएर
आमाको रातो आँखाले ओकलेको
रातो आँसु त होइन ?
भन तिमी स्याऊको अङ्गुरको को जूस की
आमाको बेदनाको रातो आँसू पिउदै छौ ? ?

अनिल चौलागाइ
टोकियो जापान

टोकियोमा भोली भलिबल प्रतियोगिता हुँदै, पत्रकार सम्मेलन सम्पन्न

जापानको टोकियोमा यहि आउँदो शुक्रबार नेपाल भलिबल संघ जापानको आयोजनामा हुन गैरहेको भलिबल प्रतियोगिता र टाइ सिटको बारेमा जानकारी गराउने उधेश्यले बिहिबार सोलमारी मुरा हलमा पत्रकार सम्मेलन सम्पन्न भएको छ ।

प्रथम रनिङसिल खुला भलिबल प्रतियोगितामा जापानमा रहेका १० टिमले सहभगिता जनाएको जानकारी गराइएको छ । खेल कामता स्टेशनको ओताकु स्पोर्टस सेन्टर हिगासी कामतामा खेलाइने भएको छ । जापान रहेका संघ सस्था साथै खेलप्रेमी महानुभाव हरुलाई उपस्थितिको निम्ती नेपाल भलिबल संघ जापान शाखाका अध्यक्ष नबिन गुरुङले प्रेस बिज्ञप्ति सहित अनुरोध गरेका छन्।

खेल सफल पार्न नेपालदेखी नेपाल भलिबल सङ्घका केन्द्रीय सल्लाहकार तथा पोखरा महानगरपालिकाका वरिष्ठ कानुन अधिकृत नारायण प्रसाद शर्मा र  सदस्य राजकुमार गुरुङ आज बिहान जापान आइपुगेका छन ।

टोकियोमा भलिबल प्रतियोगिता हुँदै, नाम दर्ताको लागी आह्वान

नेपाल भलिबल सङ्घ जापानले जुलाईको २० तारिक  शुक्रबारका दिन जापानभरिका खेलाडिहरुको बिचमा आयोजना गर्न लागेको रनीङ  शिल्ड भलिबल प्रतियोगितामा टिम दर्ताको लागी आह्वान गरेको छ । ‘स्वास्थ्यका लागी खेलकुद, राष्ट्रका लागी खेलकुद’ भन्ने मुल नारालाई आत्मसाथ गर्दै नेपालको राष्ट्रीय खेल भलिबलको प्रवर्ध्दनका निम्ती जापानमा स्थापना गरिएको आधिकारिक संस्था नेपाल भलिबल सङ्घ जापानले भलिबल प्रेमिहरुलाई एकजुट हुन पनि आग्रह गरेको छ । 

प्रतियोगितामा प्रथम हुनेले ३ लाख यन, द्वितिय हुनेले २ लाख यन र तृतिय हुनेले १ लाख यनको साथमा शिल्ड मेडल र प्रमाणपत्र पाउनेछन । साथै प्रतियोगितामा उत्कृष्ट प्रदर्शन गर्ने खेलाडी लाई ८ वटा (Best player, Best spiker, Best difence, Best setter, Best blocker, Best server, Best discipline, Best quicker )फरक फरक विधामा सम्मान गरिने छ ।  टोकियोको ओता-कु हिगाशी कामतामा रहेको सोगो ताइकु कान  खेलग्राउण्डमा प्रतियोगिता हुने भएकोले खेलकुदप्रेमी सबैलाई तयार रहन आग्रह गरीएको छ।  

आजैबाट नाम दर्ता प्रकृया सुरु गरिएको र जुलाईको १५ तारिखसम्म सहभागी हुन चाहने टिमले नामावली उपलब्ध गराइ सहयोग गरिदिनुहुन संयोजक नबिन गुरुङले जापानबासी खेलप्रेमी सबैलाई आग्रह गरेका छन्।

नुवाकोट समाज जापानको तेस्रो अधिवेशन सम्पन्न

टोकियो ।
नुवाकोट समाज जापानले हरि लामिछानेको नेतृत्वमा सर्वसम्मत नेतृत्व चयन गरेको छ ।

राजधानी टोकियोको सिनओकुबुमा भएको सम्मेलनले समाजका पूर्व सचिव रहेका लामिछानेलाई अध्यक्षमा चयन गर्दै उपाध्यक्षमा रामजंग कार्की र संगिता अधिकारीलाई नियुक्त गरेको छ ।

यसैगरि महासचिवमा दिपक घिमिरेलाई चयन गरेको अधिवेशनले सचिवमा सन्तोषी अधिकारी र कोषाध्यक्षमा भिमान सिं मोक्तानलाई सर्वसम्मत रुपमा चयन गरेको हो ।

नेपाल नुवाकोट जिल्ला घर भई जापानमा अध्ययन, पेशा, व्यवसाय तथा रोजगारको क्रममा रहेका नुवाकोटेहरुको भव्य उपस्थितिमा सम्पन्न भएको अधिवेशनले आफ्नो विधानमा सामान्य संशोधन सहित आगामी योजना र वार्षिक आर्थिक प्रतिवेदनलाई स्विकृत प्रदान गरेको थियो ।

नेतृत्व चयनमा केही पदहरुमा धेरै व्यक्तिको नाम परेपनि आपसी समझदारीमा एक बाहेकका उम्मेदवारहरुले आफ्नो नाम फिर्ता लिएपछि नेतृत्व चयन सहज ढंगबाट सर्वसम्मत भएको थियो ।

सन् २०१४ मा स्थापित नुवाकोट समाज जापानले तेस्रो अधिवेशन मार्फत हालको लागि दुई वर्षे कार्यकालको लागि २५ सदस्य समेत कार्यसमितिमा चयन गरेको छ ।
जसमा दिपक थापा, राजु तिवारी, शिवराम ढकाल, सरदराज लामिछाने, केशव भट्ट, भानुभक्त आचार्य, गोकर्ण अधिकारी, अर्जुन अधिकारी, अशोक खतिवडा, रामशरण धमला, बिजय कोइराला, मन्दिरा उप्रेती, गौरवजंग कार्की, विज्ञान उप्रेती, मिलन राई, सजना थपलिया, ठाकुर तामागं, विश्व जिसी, अच्युत लोहनी, अर्जुन बगाले फुकुओका, सोभितसिंग तामागं, सम्पूर्ण अधिकारी, मोहन केसी, विश्वराज अधिकारी र सुजन फुयाँल रहनुभएको छ ।

जापानमा व्यवसायीको रुपमा समेत परिचित संस्थाका निर्वतमान सचिव हरि लामिछानेले नुवाकोट समाज जापानको अध्यक्ष चयनपछि बोल्दै संस्थालाई नुवाकोट जिल्लाबाट जापानमा आई बसोबास गर्ने सबैको हित र समग्र नुवाकोट जिल्लाको विकास तथा समृद्धिको लागि सहयोगी बनाउनेगरि संस्थालाई सक्रिय बनाउने प्रतिवद्धता व्यक्त गर्नुभयो ।

अधिवेशनमा नुवाकोट जिल्ला सहित रसुवाजिल्लाबाट जापान आई बसोबास गर्नुभएका व्यक्तिहरुको समेत उपस्थिति रहेको थियो । भेलामा नुवाकोट जिल्ला सहित नजिकका अन्य जिल्लाबाट जापानमा आई बसोबास गरेका त्यस्ता समाज र समितिहरुलाई समेत आफ्नो समाजमा समाहित तथा सहकार्य गरेर अघि बढ्ने विषयमा छलफल भएको थियो । यस बारेमा विस्तृत छलफल गरेर नयाँ बस्ने कार्यसमितिले टुंगो लगाउने जिम्मेवारी सुम्पेको छ । यसैगरि अधिवेशनले आगामी बर्ष नुवाकोट समाज जापानले गर्न सक्ने ठूला कार्यक्रम, विभिन्न समिति तथा उपसमितिहरुको बारेमा छिट्टै बस्ने कार्यसमितिले निर्णय गरि विस्तृत विवरण सार्वजनिक गर्ने निर्णय समेत गरेको छ ।

निवर्तमान अध्यक्ष डा. माधव प्रशास सेडाई अस्वस्थ रहनुभएकाले अधिवेशन संस्थाका संस्थापक अध्यक्ष समेत रहनुभएका उद्धव प्याकुरेलको सभापतित्वमा सम्पन्न भएको थियो भने संस्थाका सल्लाहकार राजकुमार पण्डित प्रमुख अतिथि रहनुभएको थियो ।

जापान भर्सेस सेनेगल, कुन देश बन्ला त बिजेता ?

पहिलो खेलमा समूह ‘एच’ कै बलियो मानिएको कोलम्बियालाई २-१ ले हराएको जापानले आइतबार राति पौने ९ बजे सेनेगलसँग खेल्दै छ । सेनेगलले पनि आˆनो पहिलो खेलमा पोल्याण्डलाई २-१ गोलले नै हराएको थियो ।

अघिल्लो रचणमा जानका लागि महत्वपूर्ण रहेको सेनेगलविरुद्धको खेलमा जापानका मिडफिल्डर केसुके होन्डा हुने छैनन् । पहिलो खेलमा दास्रो रोजाइमा मैदान आएका उनी घाइते भएका थिए । यस्तै ओकाजाकीको स्थानमा भने ओसाकालाई खेलाइँदै छ ।

सेनेगलले पहिलो खेलमा पोल्याण्डसँग खेलाएको टोली नै जापानविरुद्ध उतार्दैछ ।

यसअघि जापानसँग भएको तीन मैत्रीपूर्ण खेलमा सेनेगल अपराजित रहेको छ । दुई खेल जितेको थियो भने एक खेल बराबरी भएको थियो । सेनेगलले जापानलाई सन् २००१ मा २-० ले साथै २००३ मा १-० ले हराएको थियो ।

जापानले सेनेगललाई हराएमा विश्वकप समूह चरणमा लगातार पहिलो दुई खेल जित्ने एसियन देश हुने छ ।

जापानले सन् १९९८ मा पहिलोपटक विश्वकप खेलेपछि लगातार सहभागिता जनाइरहेको छ । त्यसबेला समूह चरणबाटै बाहिरिएको जापान त्यसपछि २००२ मा अन्तिम १६ सम्म पुग्यो ।

सन् २००६ मा समूह चरणबाटै बाहिरिएको जापान २०१० मा अन्तिम १६ मा पुगेको थियो । गएको ब्राजिल विश्वकप २०१४ मा पनि जापान समूह चरणबाटै बाहिरियो । समग्रमा जापानको विश्वकप सहभागिता मात्रै बनिरहेको छ ।

यसपटक युरोपमा फुटबल खेल्ने केही अनुभवी खेलाडी रहेको जापान टिमले सम्झनलायक खेल प्रदर्शन गर्दै अघिल्लो चरणसम्म पुग्ने अनुमान गरिएको छ । त्यसमा पहिलो खेलमा देखाएको लयलाई निरन्तरता दिन आवश्यक छ ।

जापानले विश्वकपमा ५ खेल जितेको छ । ४ खेल बराबरी गरेको छ । ९ खेल हारेको छ । जसमा १६ गोल गरेको जापानले २३ गोल खाएको छ ।
जापानले विश्वकप छनोटमा ६ खेल जितेको थियो । २ खेल बराबरी गरेको थियो भने २ खेल हारेको थियो । जसमा १७ गोल गरेको जापानले ७ खेल हारेको थियो ।

उता फिफा वरियतामा २७ औं स्थानमा रहेको सेनेगल दोस्रोपटक विश्वकपमा सहभागी हुँदै छ । १२ पटक विश्वकप छनोटमा सहभागी भएको सेनेगलले यसअघि सन् २००२ को विश्वकप खेलेको थियो ।

सन् २००२ मा डिफेन्डिङ च्याम्पियन फ्रान्सलाई हराएर सनसनी मच्चाएको सेनेगलले समूह चरणमा डेनमार्क र उरुग्वेसँग बराबरी खेलेको थियो । अन्तिम १६ को खेलमा स्वीडेनलाई २-१ ले हराएको सेनेगल क्वाटरफाइनलमा टर्कीसँग १-० ले पराजित भएको थियो ।

विश्वकपको पहिलो सहभागितामै क्वाटरफाइनलसम्म पुगेको सेनेगेल यसपटक पनि त्यही लय फर्काउन सक्षम देखिन्छ । पहिलो खेलमा पोल्याण्डलाई हराएबाट पनि त्यो प्रस्ट हुन्छ ।

सेनेगलले विश्वकपमा अहिलेसम्म ३ खेल जितेको छ । २ खेल बराबरी खेलेको छ । १ खेल हारेको छ । जसमा ९ गोल गरेको सेनेगलले ७ गोल खाएको छ ।

सेनेगलले विश्वकप छनोटमा ४ खेल जितेको थियो । दुई खेल बराबरी खेलेको थियो । जसमा १० गोल गरेको सेनेगलले ३ गोल खाएको थियो ।

प्रमुख खेलाडी

सडियो माने – सेनेगल

अफ्रिकन फुटबल इतिहासकै सबैभन्दा महंगा खेलाडीको कीर्तिमान बनाउँदै सन् २०१६ मा ३४ मिलियन पाउण्डमा इंग्लिस क्लब साउथहृयाम्टनबाट लिभरपुल गएका माने आफ्नो खेलशैलीका लागि चर्चित छन् ।

लिभरपुलमा जस्तै सेनेगलको राष्ट्रिय टिममा पनि तीब्रता, पास र बल बढाउने कौशलका कारण माने प्रमुख खेलाडी बनेका छन् । सन् २०१२ देखि सेनेगलको राष्ट्रिय टिममा रहेका उनले ५० खेलमा १४ गोल गरेका छन् ।

माया योसिदा – जापान

सभ्य र स्टाइलिस सेन्टर ब्याक खेलाडी हुन् माया योसिदा । उनको खेल मैदानमा प्रत्यक्ष गएर हेर्ने हुन् या टेलिभिजनको पर्दामा, विपक्षी नै भए पनि मोहित बनाइदिन्छन् ।

सन् २०१० देखि जापानको राष्ट्रिय टिममा रहेका योसिदा भरपर्दा खेलाडी हुन् । उनी सन् २०१२ देखि इंग्लिस क्लब साउथहृयाम्टनमा व्यावसायिक फुटबलमा आबद्ध छन् । त्यसअघि उनी २००७ देखि २००९ सम्म जापानमा र २०१० देखि २०१२ सम्म नेदरल्याण्ड्समा क्लब फुटबल खेल्थे । राष्ट्रिय टिमबाट खेलेका ८१ खेलमा उनले १० गोल पनि गरेका छन् ।

source:onlinekhabar

लोकदोहोरी प्रतिष्ठान यूएई शाखाको अध्यक्षमा गोपीकृष्ण पंगेनी

राष्ट्रिय लोक तथा दोहोरी गीत प्रतिष्ठान नेपाल, यूएई शाखाको प्रथम अधिवेशन सम्पन्न भएको छ । यूएईस्थित बरदुबईको एभरेष्ट होटलमा असार ८ गते सम्पन्न अधिवेशनले गोपिकृष्ण पंगेनीलाई निर्बिरोध अध्यक्षमा चयन गरेको छ।

दुई वर्षे कार्यकालका लागि समितिको उपाध्यक्षमा ओमकुमारी थयम्वु (खाँड ) र नारायण न्यौपाने चयन भएका छन् । त्यस्तै सचिवमा ओमकार पोख्रेल ,महिला सचिव लक्ष्मी केसी, सह-सचिव अमित विश्वकर्मा, कोषाध्यक्ष बिक्रम पौडेल र सह-कोषाध्यक्षमा गोपाल भट्टराई रहेका छन् ।

त्यस्तै कार्यसमिति सदस्यहरूमा प्रकाश ढकाल, राजेश भण्डारी, हेमबहादुर भण्डारी, अनिस दुवाडी, वीरेन्द्र दंगाल, पारू मगर, हर्क सिंह, रमेश राणा, केविनजंग शाही, नरेन सापकोटा, बिमादेवि न्यौपाने, मनु क्षेत्री, विकाश अधिकारी, होमनाथ कुवर, कृष्ण सुनार, सुनिता गैरे र यमलाल पराजुली रहेका छन् ।

अधिवेशन सम्पन्न गर्नको लागि नेपाल पत्रकार महासंघ यूएई शाखाका सल्लाहकार एकेन्द्र थापा संयोजक रहने गरी एक निर्वाचन समिति निर्माण गरिएको थियो ।

जसमा पत्रकार महासंघ यूएईका सहसचिव निर्भिक नारायण भुर्तेल, सदस्यहरू खिमलाल पाण्डे र रामप्रसाद ढुंगेल सदस्य रहेका थिए ।

अधिवेशनका लागि नेपालबाट राष्ट्रिय लोक तथा दोहोरी गीत प्रतिष्ठान नेपालका बरिष्ठ उपाध्यक्ष तथा बैदेशिक विभाग प्रमुख रमेश बिजी र केन्द्रीय सदस्य कृष्ण आशुसमेत आमन्त्रित थिए ।

कार्यक्रममा प्रमुख अतिथिका रूपमा नेपाली राजदूतावास, अबुधाबिबाट कार्यवाहक राजदूत सागरप्रसाद फुयाल उपस्थित भएर यूएईमा श्रमरत नेपाली लोकगीतका पारखीहरुलाई प्रोत्साहन प्रदान गरेका थिए ।

उक्त कार्यक्रम लय शब्दका धनी शिव हमालको लय तथा शब्द र रमेश राना, होमनाथ कुवर र जुना श्रीषको स्वरमा रहेको लोक दोहोरी गीत डाडैको वरको समेत बिमोचन गरिएको थियो ।

वरदुबईको एभरेस्ट होटलमा सर्वसाधारणलाई समेत निःशुल्क प्रवेशपास भएको उक्त कार्यक्रममा कलाकारहरुको लाइभ दोहोरी साथै नृत्य प्रस्तुत भएको थियो ।

गल्केाट समाज जापानकेा पाँचैा अधिबेशन जुलाइ ३१ मा हुँदै

गल्केाट समाज जापानको पाचौ कार्यकाल(२०१८-२०२०)को लागि अधिबेशन यहि जुलाई ३१ तारिख दिनको १ बजे बाट टोकियोमा हुने भएको छ। यस अघि बसेको अन्तिम बैठकले अधिबेशनको मिति र स्थान तय गर्दै आगामी पाँचौ अधिबेशनमा उपस्थित हुन सम्पूर्ण गल्कोटे जापानबासी दाजुभाइ तथा दिदिबहिनीहरुलाइ अनुरोध गरेको छ ।
समाजका अध्यक्ष नर ब. थापाका अनुसार निबर्तमान अध्यक्ष हर्क थापाको संयोजकत्वमा निर्बाचन समिति बनिसकेको र अधिबेशन सम्पन्न गर्ने सम्पूर्ण जिम्मा निर्बाचन समितिमा गैसकेको बताउनु भएको छ । उक्त अधिबेशनको सम्पन्न गर्नको लागि बिधान अध्ययन समिति, अधिबेशन ब्यबस्थापन समिति समेत बनेको छ ।
“बिगत स्थापना कालदेखि सामाजिक काममा सक्रिय भूमिका निर्बाह गरेको गल्कोट समाज जापानले आफ्नो स्थापना कालदेखि आजसम्म आउदा बिभिन्न चरण हरु पारगर्दै जापानमा आधिकारी NPO दर्ता गर्दै सामाजिक काममा सक्रिय रहीआएको छ। यसलाई अझ उचाईमा पुराउन अझ पछिको पुस्ताको उत्तिकै सक्रिय भूमिका र हात हुनेभएकोले बिभिन्न क्षेत्रमा जापानमा रही हाम्रो ब्यबसाय, कार्य, अध्ययन गर्दै आउनु भएका सम्पूर्ण गल्कोटे दाजुभाइ तथा दिदि बहिनिलाइ उक्त अधिबेशनमा उपस्थितको लागि हार्दिक अनुरोध गर्दछु” अध्यक्ष थापाले भन्नुभयो ।

कार्यक्रम  सिनओकुबू स्थित टोकियो रोधी क्लबको पछाडी रहेको Laboratory Okubo Hall Earls Art Court (〒169-0072 Tokyo, Shinjuku, Okubo, 1 Chome−9−10) मा हुने भएको छ ।

२००६ सालमा स्थापित गल्कोट समाज जापान बाग्लुङको गल्कोट क्षेत्र देखि जापानमा आएका गल्कोटेहरुको साझा संस्था हो ।

जापानमा सुतेकै अवस्थामा एक नेपालिको मृत्यु

जापानको गुन्माकेनको एक कम्पनीमा कार्यरत एक नेपाली युवाको सुतेकै अवस्थामा मृत्यु भएको छ । उनी कामबाट फर्केर कोठामा सुतेको तर बिहान मृत अवस्थामा फेला परेका थिए ।

मृतक सिन्घुपाल्चोक जिल्ला निवासी २७ वर्षीय सुरज थापा भएको बताइएको छ । उनी शुक्रबार राति सुतेको तर बिहान मृत अबस्थामा फेला परेको उनीसंगै बस्दै आएका मदन रावतले जानकारी दिएका छन् ।

थापा अचेत अवस्थामा फेला परेपछि उनलाई रावलले नै अस्पताल लगेका थिए तर, चिकित्सकहरुले मृत घोषित गरेका थिए ।

मृतक थापाको आइतबार पोष्टमार्टम गरिने र त्यसपछि परिवारलाई शव जिम्मा लगाउने तयारी रहेको छ । मृतकका दाजु दिनेश थापाले नेपालमै लगेर अन्त्येष्टि गर्ने बताएका छन् ।

मृतक थापा चार वर्षे विद्यार्थी भिसामामा रहेर हालै कम्पनीमा कार्यरत थिए । उनी मदिरा लगायत कुनै पनि लत नभए पनि पानीको कमीका कारण मृत्यु भएको हुनसक्ने बताइएको छ ।

Source: Nepaljapan